-Mr. Exodus Canoy-
Ochoa wala mahadlok kang Roxas
Wala mabalaka si Executive Secretary Paquito Ochoa Jr. nga masapawan siya ni kanhi Sen. Mar Roxas nga ibutang ni Presidente Noynoy Aquino isip chief troubleshooter sa gobyerno.
Matod ni Sec. Ochoa, kinasingkasing nga dawaton sa Aquino administration ang bisag kinsa man nga mahimong membro sa gabinete apil na ang pagsulod ni Roxas.
Dugang pa nga wala siya mabalaka sa iyang posisyon gumikan ka yang mandated man sa balaud ang buhatan sa executive secretary.
32 ang naitala sa kasong carnapping karong Enero – matud PNP
Mikabat na sa 32 ang naitalang kaso sa carnapping karong buwana lamang kung diin halos adlaw-adlaw adunay na i-report sa naasoyng kaso nga matud pa ni PNP Highway Patrol Group S/Supt Edwin Butacan halos 3 ka kaso ang maitala kada adlaw or usahay duha.
Kinauwahian nga naitala sa maong carnapping mao ang sakyanan ni Carl Balita, apan walay nahiangol sa naasoyng insidente dili sama sa nahitabo nila Lozano ug Evangelista.
12 priority bills ipresentar kang P-Noy sa Kongreso
Isusumiter karong adlawa kang Presidente Aquino ang pinal nga listahan sa 12 priority bills sa Aquino administration apil na ang Responsible Parenthood bill sigun ni Executive Secretary Paquito Ochoa Jr.
Human sa presentasyon, isumiter naman kini sa Presidente sa Legislative Executive Development Advisory Council (LEDAC) meeting sa sunod nga simana.
2 ka death penalty bills pending sa kongreso
Pending sa pagkakaron sa House of Representatives ang House Bill number 03993 ni Bohol Rep. Erico Aumentado nga buhion ang death penalty para sa may kasong carjacking with homicide; kidnapping with homicide or for ransom; manufacturing, smuggling or trafficking of dangerous drugs ug plunder cases.
Pending usab ang HB # 00744 ni Rep. Jane Tan Castro, para sa death penalty sa mga illegal loggers.
Akbayan partylist Lider, political adviser ni P-Noy
Gikompermar sa Palasyo nga political adviser na ni Presidente Aquino si Akbayan Partylist president Ronald Llamas bilang .
Sigun ni Deputy Presidential Spokesperson Abigail Valte, perma na lamang sa president ang kulang sa appointment papers ni Llamas nga misuporta sa kandidatura ni P-Noy niadtong May 2010 elections.
Himuon usab si Llamas nga representante sa nagkadaiyang political engagements.
3 ka opisyales gikasuhan sa pagwaldas sa pondo - Ombudsman
Gipalagpot sa Office of the Ombudsman si Bernardita de Jesus, ang municipal treasurer sa Unisan, Quezon Province gumikan kay nagkulang kini ug P521,984.45 nga pondo sa ilahang lungsod sugod Mayo 9 hangtud Nobyembre 27, 2007.
Sa gipagawas nga demand letters sa Commission on Audit (CoA), napakyas si De Jesus nga maipagawas ang naasoyng kulang nga pondo; / ug kasuhan usab sa Ombudsman si De Jesus ug malversation of public funds subay sa Art. 217 sa Revised Penal Code (RPC).
Samtang, gikasuhan usab sa Ombudsman ang kanhi konsehal sa Pangasinan nga si Patricio Rebugio Jr., ug si barangay treasurer Myrna Molar sa Brgy. Barretto,Olongapo City.
Si Rebugio ang migamit, matud pa ug P15,000 sa countrywide development fund (CDF) aron ipalit ug kanding mga ipanghatag sa iyahang distrito niadtong Mayo 2002, apan sa migawas nga report, walay gipalit nga kanding ang maong konsehal.
Samtang kasong malversation sa public funds ang giatubang ni Brgy. Treasurer Molar gumikan sa sayop nga pagamit sa P25,000 nga pondo para sa livelihood program sa Brgy. Barretto niadtong Nobyembre 2004; / ug napakyas kini pagsumite ug counter-affidavit sa dihang gipasumite kini sa Ombudsman.
Pilipinas, aduna napuy 310 ka mga bag-ong physical ug occupational therapists - PRC
Mikabat sa 310 ang mipasar sa Physical and Occupational Therapists Licensure Examinations karong buwana gikan sa 627 nga mikuha niini sa Manila ug Cebu.
Si ARDIE ANTONIO AGUILAR – sa SAINT JUDE COLLEGE-MANILA – ang top 1 nga nakakuha ug 85.25; gisundan ni MARIA SUZANNE LESACA DATUIN - sa UNIVERSITY OF THE PHILIPPINES-MANILA – para sa top 2 nga nakakuha ug 84.45; ikatulo si MARK ANGEL BERNARDINO SERRA – sa UNIVERSITY OF SANTO TOMAS – nga may 83.55; ika-upat si CHRISTIAN CYRIL MILLANES ARAFOL - sa SAN JUAN DE DIOS EDUCATIONAL FOUNDATION, INC – nga may 82.85; ug MA JOYCE DIANE TAN PECHO - sa OUR LADY OF FATIMA UNIVERSITY-VALENZUELA – nga may 82.60 nga ratings.
Ang Board of Physical and Occupational Therapy gilangkuban nila chairman Dr. Reynaldo R. Rey-Matias, ug sa mga myembro niini nga sila Raul G. Agustin, Bernadette M. Reyes, Delia R. Pabalan ug Rolland Lyle D. Duque.
Samtang ang oathtaking sa mga nakapasar pagahimuon karong Pebrero 27, 2011, sa ala 1:00 sa hapon sa Sofitel Philippine Plaza, Manila, CCP Complex Roxas Blvd., Pasay City.
Davao, Bukidnon, dungan nga giuyog sa linog - Phivolcs
Giuyog ka ganihang kadlawon sa mga ala 1:18 ang takna ug 2.6 magnitude nga linog ang Malaybalay, Bukidnon / ug 3.9 magnitude nga linog ang Mati, Davao Oriental.
Apan matud sa Philippine Institute of Volcanology and Seismology (Phivolcs), nga ang kambal nga paglinog puros tectonic ang hinungdan lamang ug walay kalabot ang volcanic activity sa mga bulkan sa Mindanao area.
BUSINESS NEWS
Wala maliquidate nga surety bonds sa Customs paimbistigaran sa Kongreso
Paimbistigaran sa House of Representatives ang gialigar wala makolekta ug wala maliquidate nga surety bonds sa Bureau of Customs (BOC).
Sigun ni Batangas Rep. Hermilando Mandanas, chairman sa House Committee on Ways and Means, gikinahanglan manubag kung kinsa man ang responsable niining maka-alarma nga operasyon sa BOC.
Kahinumduman nga gikompermar kaniadto ni Insurance Commissioner John Apatan nga wala makakolekta ang BOC sa surety bonds tungod kay nagsara na ang ubang surety companies.
Ang surety bond usa ka garantiya sa pagbayad nga gi-issue sa usa panig ngadto sa ikaduhang partido ingkaso mapakyas sa ilang obligasyon ang ikatulong partido.
INTERNATIONAL
3 ka adlaw nga pagkaguol, gideklarar sa Tunisia
Gideklarar ang tulo ka adlaw nga kaguol sa interim government sa Tunisia para sa mga nahiangol ug sa setentay otso nga nangamatay atol kagubot sa pagpalagpot sa ilahang Presidente sa nasud nga si Presidente Zine El Abidine Ben Ali.
Matud ni Interior Minister Ahmed Friaa, gawas sa mga nangamatay, 94 usab ka mga tawo ang nasamdan sa naasoyng kagubot.
Samtang mibiya na sa pwesto si Presidente Zine El Abidine Ben Ali gumikan sa mga protesta ug kalmado na sa pagkakaron ang sitwasyon sa Tunisia, pero hirit sa mga lumulopyo niini nga i-ban ang partido ni Ben Ali.
Asawa ni Israeli President Shimon Peres, namatay na
Namatay na kagahapon ang asawa ni Israeli President Shimon Peres nga si Sonya Peres sa edad nga 88, kahuman kini ma-ospital niadtong 2007 gumikan sa heart condition kadungan sa pagka-proklamar ni Shimon Peres isip Presidente sa Israel.
Si First Lady Sonya Peres ang misilbi kaniadto isip nurse sa British army, ug nahimo usab nga driver sa mga army sa tibuok Europe.
REGIONAL NEWS
P9.114 M cash grants natagamtaman sa 745 4Ps beneficiaries sa Saint Bernard
Mokabat sa 745 ka beneficiaries sa National Government’s Pantawid Pamilyang Pilipino Program (4Ps) ang nakatagamtam sa P9.114 cash grants sa Saint Bernard, Southern Leyte dili palang dugay.
Ang Pantawid Pamilyang Pilipino Program Team sa Department of Social Welfare and Development (DSWD) dayon nga neresponde sa hangyo ni Mayor Rico Rentuza sa maong lungsod human gipailawom sa State of Calamity ang St. Bernard.
Gipangunahan ni Regional Director of DSWD Field Office VIII, Leticia Corillo ang pagrealese sa maong kantidad inubanan ni Land bank of the Philippines (LBP), Vice-President Alex Lorayes.
ENVIRONMENTAL NEWS
Pagpatay sa DENR employees nakaalarama
Naalarma si Aurora Rep. Juan Edgardo Angara sa sunod sunod nga pagpatay sa mga epleyado sa Department of Environment and Natural Resources (DENR) par-ti¬kular na sa nagbantay sa kagugub-an.
Nunot niini nagpasa og resolus¬yon sa Kongreso si Rep. Angara aron paimbistigaran dayon sa DENR sunud-sunod nga pag-atake sa mga forest ran¬ger ug uban pang empleyado sa maong ahensiya.
Gi-awhag usab ni Angara ang Philippine National Police at Armed Forces of the Philippines nga molihok aron gukdon ang ang mga responsable ug utok sa mga pagpamatay.
Dagdag na meal allowance para sa mga national athletes
Giutyag kagahapon ni Philippine Sports Commission (PSC) chairman Richie Garcia nga apil sa proposed budget nila karong tuiga ang pag-puno sa ilahang pondo para sa pagkaon sa ilahang mga atleta gikan sa P150 pesos kada adlaw ngadto sa P350 pesos kada national athlete.
Samtang mi-iskor si Carmelo Anthony ug 35 points para tabangan ang Denver Nuggets sa 112-107 sa Oklahoma City Thunder.
KAHUMAN mipahayag ang New Jersey Nets owner Mikhail Prokhorov nga dili nila gukdun ang All-Star forward na si Anthony para sa usa ka megadeal.
ENTERTAINMENT NEWS
Baron kinahanglan mag-public apology
Human sa tigom sa mga sakop sa Professional Artists Managers Inc. (PAMI) niadtong Miyerkules sa gabii, nahukman sa mga talent managers nga sila si Arnold Vegafria ug Ed Instrella nga kinahanglan nga mobuhat og public apology si Baron Geisler gumikan sa gibuhat niini ngadto kang Chery Pie Picache.
Si Arnold maoy manager ni Baron, samtang si Ed mao usab ang manager ni Cherry Pie.Kahinumduman nga mireklamo si Cherry Pie human gihikap ang iyang dughan sa taping sa seryeng Noah sa ABS-CBN.
Gawas sa public apology, gimandoan usab sa PAMI ang ilang mga sakop nga dili tugtan ang ilang mga talents nga makatrabaho si Baron ug ila lang kini nga bakwion kung “fully rehabilitated” na ang actor.
No comments:
Post a Comment