ORMOC CITY- Pito ka pulis nga nalambigit sa shootout sa barangay Tambulilid niadtong milabayng buwan ang nakit-ang nag inom sa una pa ang insidente, kini matod pa sa usa sa mga biktima nga nisumiter og affidavit.
Base sa affidavit nga gisumiter sa usa sa mga biktima ngadto sa Northern Leyte Criminal Investigation and Detection Team (NL-CIDT), gibutyag sa maong biktima (nagpatago sa pangan) nga iyang nakita ang kapulisan sud sa maong sabongan nga nag inom ug ilimnong maka hubog sa una pa ang insidente.
Matod ni P/Sinsp. Elvis Angayangay, provincial officer sa NL-CIDT, nga nagduol ra ang biktima ug ang 7 ka gituhoang mga pulis nga pulos naka sibilyan.
Taud-taud lang, nahitabo na ang komusyon ug nabati na ang buto-buto sa mga pistola.
Ang biktima napagan sa bala apan nakahimo pa kini pag ngadto sa tambalanan.
PHOTO: Ang sabongan sa barangay Tambulilid nga nahitaboan sa shootout. JKDP
Sa samang kalambuan, usa ka slug sa armas de fuego ang nakuha na sa NL-CIDT gikan sa naangol nga si Gonzalo Medaros.
Si Angayangay niingon nga, nangayo nalang sila og written consent gikan sa biktima aron ma release lang sa tambalanan ang slug alang sa pagahimuon nga ballistic examination.
Sumala pa ni Angayangay nga hapit na nila ma kompleto ang mga slug alang sa eksaminasyon, gani nakuha na usab ang slug gikan sa nakalas nga si Dr. Jay Movilla.
Ang ballistic examination himuon ngadto na sa Camp Crame gumikan kay guba ang makina sa Regional Crime Laboratory.
Dugang pa ni Angayangay nga posibling malangay ang pag gawas sa resulta sa ballistic examination tungod sa kalayo sa gipahigayunan niini. Niadtong milabayng buwan, pito ka pulis ang nag positibo sa paraffin test.
Alang kang Angayangay nga, bisan pa og mag negatibo sa ballistic examination ang nalambigit nga kapulisan apan dako og posibilidad nga di kini maka lusot sa kasong administratiba kung mapamatud-an ang pamahayag sa biktima.
Duha na ka biktima sa maong shootout ang nisumiter og affidavit ngadto sa NL-CIDT.
By: John Kevin D. Pilapil/ Power 90.3 FM Ormoc News Correspondent
Ang maong balita hatud kanato sa:
No comments:
Post a Comment