Koordinasyon ug hugot nga implementasyon, kini maoy mga importanteng butang nga nakita karon ni Atty. Mariano Corro sa LIGA ng mga barangay ug membro sa konseho labot sa tinguha nila nga ipatuman ang city ordinance number 35 kun city anti smoking ordinance.
Matod ni Corro nga sakto na sila sa pagpahibaw sa kapulisan kinsa maoy implementing authority sa maong ordinansa, gani ang kapulisan namutang na og signage sa mga lugar nga daghay taw nga gidili ang pagpanigarilyo sama sa merkado, bus terminal ug mga pampublikong buhatan.
Pero matod pa ni Corro nga ang nakaapan lang pud usahay kay dunay ubang pulis nga maoy pasiugda sa paglapas ning maong ordinansa.
Subay niini, ang koordinasyon naman sa mga taw ang gikinahanglan aron madesiplina ang mga taw nga bisan asa lang manigarliyo.
Sama pananglit sud sa traysikol, giabisohan ni Corro ang mga sumasakay nga kuhaon dayon ang body or plate number sa maong traysikol kung makit.an ang driver niini nga nanigarilyo, isumbong dayun sa kapulisan, pwede sab sa city licensing ug sa chairman sa committee on transportation sa konseho.
Sa pagka karon, wa pay bisan usa nga napasakaan og kaso tungod sa kalapasan sa maong ordinansa.
By: John Kevin D. Pilapil/Power 90.3 FM News Correspondent
Ang maong balita hatud kanato sa:
No comments:
Post a Comment