SUNOG SA PUNTA

ORMOC CITY- Usa na usab ka alarma sa sunog ang gitubag sa kabomberohan ning dakbayan gahapong adlawa (May 15, 2014)  didto sa purok Ilang-Ilang barangay Punta.

Ang maong alarma nadawat alas 4:34 sa hapon.

Ang maong panimalay ginama sa container van ang mga bong-bong  ug gipanag-iya ni Narciso Alfaro ug gipaabangan kini sa magtiayong Teresa Sumaylo.

Matod ni Fire Officer 2 Albert Cabello, imbestigador sa maong hitabo nga, short circuit due to aging ang tinubdan sa pag kayo sa wire hinungdan sa pagkalanay sa junction box ug ubang gamit sa panimalay nga natud-an sa kayo.

Dugang pa ni Cabello nga wa hinuon makadako ang kayo gumikan kay nadali kini pagpasirit og fire extinguisher  sa mga silingan.

Nasayran nga wa sa ilang panimalay ang nag abang niini sa dihang nahitabo ang pagkasunog sa wire.

Di usab basta basta makatapot sa silingang panimalay kung gani misilaob og dako ang kayo gumikan kay gipalibutan man og fire wall ang maong panimalay.

Gideklarar nga under control ang maong sunog alas 4:44 sa hapon ug gideklarar kini nga fire out pagka alas 4:58.

Way nakalas ug samdan sa maong hitabo.

Sa paghimo ning balita, wa pa mohatag og danyos ang kabomberohan.

Mahinumdoman nga niadtong katapusang semana sa Abril, nasunog usab ang usa ka panimalay sa samang purok diin tupad ra usab kini sa gipuy-an ni Sumaylo. Mikabat sa P180,000 ang danyos.

Way nakalas ug samdan sa maong hitabo.

By: John Kevin D. Pilapil/ Power 90.3 FM Ormoc News Correspondent