HEPE SA KAPULISAN, GIPUSIL

Usa ka manhunt operation ang gihimo karon sa Leyte Provincial Police Office (LPPO) batok kang po1 Greco Albetria ang pulis nga nadestino sa San Isidro Northern Samar kinsa suspek sa pagpusil sa hepe sa kapulisan sa Isabel Leyte ganihang kadlawn ( May 10,2014).

Matod ni LPPO Police Community Relations officer Psinsp. Teofilo Lucelo nga luwas hinuon ang kahimtang sa hepe sa Isabel nga si Pcinsp. Randy Junco kinsa naka angkon og samad pinusilan sa iuang dughan ug liog.

Gigamit pagpusil mao ang kalibre .45 nga pistola.

Base sa report nga gisumiter sa Allen PNP ngadto sa LPPO, giingong ang pagpamusil nahitabo sa looc pier sa allen ala una ganihang kadlawn.

As of 8:30AM, Si Lucelo niingon nga wa pa silay detalye kung nag unsa ug nganong naabot si Junco ngadto sa maong lugar.

Human sa pagpamusil, dali nga gidala sa usa ka tambalanan sa Allen ang biktima nga Junco.

Sa paghimo ning nalita, wa pa usab masayud ang LPPO kun unsay motibo sa maong pagpamusil.

Gani mipadala na usab ug report ang Police Regional Office 8 diri sa Ormoc City Police Office labot sa maong hitabo iyawat nalang makit-an ang suspek.

Si Junco bag.o lang nilingkod pagka hepe sa Isabel diin iyang gihulipan si Psinsp. Florando Relente.

By: JKP89/Power 90.3 FM Ormoc