NAKUHAAN OG ARMAS

ORMOC CITY- Natang-gong karon sa selda sa police station 3 ang usa ka kanhi ofw kahuman makuhai og usa ka pistola atol sa gipahigayong checkpoint sa kapulisan dinha sa barangay tambulilid, Huwebes (May 8,2014) sa alas 10 sa gabie .

Ang suspek giila nga si Alvin Oscar Jaro Jr, alyas abay, 39 anyos, minyo ug nagpuyo sa riverside barangay alegria ning dakbayan.

Nakuha gikan sa iyang posesyon ang usa ka kalibre 45; duha ka magazine sa samang kalibre, usa niini ang dunay 8 ka buhing bala ug ang usa naman dunay 7 ka buhing bala.

Base sa imbistigasyon, giigong nagmaneho sa usa ka single nga motorsiklo nga way plaka ang suspek ug gi flaged down kini sa kapulisan.

Gipangayoan sa kapulisan sa iyang or ug cr ang suspek apan wa kini mo kooperar ug nag duha duha kini.

Ang suspek giigong dunay gikuha sud sa belt bag nga iyang dala apan niadtong tungora naalerto ang kapulisan sa dihang ilang nakita ang handle sa pistola hinungdan nga gimandoan kini sa kapulisan sa dili paglihok.

Gikuha sa kapulisan amg belt bag ug ilang nakita ang naasoyng pistola; walay na presentar nga dukomento amg suspek sa iyang paghupot sa pistola.

Kaong kalapasan sa republic act 10591 kun comprehensive firearms and ammunition law ang giatubang sa suspek.